कविता – चाहन्छु तिमीलाई आसपास 

---

कविता – चाहन्छु तिमीलाई आसपास 

म तिम्रै हुँ तिमि केवल मेरो 

तनमनले गर्छु यो  विश्वास

तिम्रो भन्नु सबै मेरो हो 

भलो चाहन्छु तिम्रै खास

म जिउनुको कारण तिमी

र त म फेर्दै छु यो सास 

भन्छौ तिमि सधै यहि 

कि “नगर्नु मेरो आश”

भरोषा गर्छु म खुद आफैमा 

हुन दिन्न कहिल्यै निरास 

प्रेम हुँदा नै बाचा गरेंथें 

‘बोझ बन्दिन म’ भनि 

 दुखमा सहारा भै रहनेछु  साथ 

केवल माया र प्रेम दिनू

चाहिन्न महलको बास

आफ्नै कर्ममा गर्छु विस्वास 

चाहन्छु तिमीलाई आसपास 

 

• पविता खनाल ,काठमाडौँ  

 

---

---